Պերուի կառավարությունը հայտնում է երկրի հյուսիսային ափին ծովառյուծների զանգվածային ոչնչացման պատճառների հետաքննությունը սկսելու մասին՝ գրում է BBC-ն:
Սանտա գավառի լողափին հայտնաբերվել են մոտ 500 ծովառյուծների սատկած մարմիններ:
Տեղի իշխանությունները ենթադրում են, որ կաթնասուններին կարող են թունավորած լինել ձկնորսները կամ ֆերմերները, երբ ծովառյուծները ուտելիք որոնելու նպատակով մոտեցել են ափին:
Պերուի բնապահպանական ոստիկանությունը դիտարկում է նաև տեղի ունեցածի այլ տարբերակներ, այդ թվում՝ համաճարակի բռնկումը: