Ռուսական RIA Novosti լրատվական գործակալության փոխանցմամբ՝ Սիրիայում քրդական Ժողովրդական ինքնապաշտպանության ջոկատները (YPG) հայտարարել են ապստամբական մի շարք խմբավորումների հետ նոր դաշինքի ստեղծման մասին, որը ստացել է «Սիրիական ժողովրդական ուժեր» անվանումը։ Այս մասին նշված է YPG-ի ֆեյսբուքյան էջում։
Հայտարարության մեջ ասվում է, որ ռազմական ու քաղաքական արենայում տեղի ունեցող իրադարձությունների ֆոնին ի հայտ է եկել ազգային ընդհանուր ռազմական ուժի ձևավորման կարիք, որը կմիավորեր քրդերին, արաբներին, ասորիներին ու բոլոր այն խմբերի ներկայացուցիչներին, որոնք ապրում են Սիրիայի տարածքում։
