Microsoft ամերիկյան կորպորացիան մշակում է աշխատանքային Spartan անվանումով նոր դիտարկիչ: Այս մասին հայտնում է ZDNet առցանց պարբերականը, որը հրատարակում է ամերիկյան CBS հեռուստաընկերությունը:
Պարբերականի աղբյուրների տեղեկություններով՝ Spartan-ը կառանձնանա բարձր արագությամբ և շատ բաներով կհիշեցնի հայտնի դիտարկիչներ Firefox-ին ու Chrome-ին: Ծրագրվում է, որ այն շուկա դուրս կգա այն ժամանակ, երբ կավարտվի աշխատանքը Microsoft-ի նոր օպերացիոն համակարգի՝ Windows 10-ի վրա:
Հաղորդվում է, որ Spartan-ը հասանելի կլինի երկու մոդիֆիկացիաներով՝ բջջային հեռախոսների ու համակարգիչների համար: Ընկերությունն այն կներկայացնի հունվարի 21-ից ոչ շուտ:
