Ս. թ. հոկտեմբերի 17-ին, ժամը 19:00-ին, Հենրիկ Մալյանի կինոդերասանի թատրոնում կկայանա հոբելյանական երեկո նվիրված թատրոնի հիմնադրման 35-ամյակին:
Երեկոյի ընթացքում կներկայացվի թատրոնի և նրա հիմնադիր՝ Հենրիկ Մալյանի ստեղծագործական կենսագրության մասին արխիվային նյութերի ցուցադրություն: Կընթերցվեն Հենրիկ Մալյանի «Երկխոսություն երրորդի համար» գրքից հատվածներ: Կներկայացվեն թատրոնի հին խաղացանկի ներկայացումներից հումորային հատվածներ:
