Ամերիկացի միլիարդատեր Բիլ Գեյթսը 50 մլն դոլար կտրամադրի Էբոլայի վարակի դեմ պայքարին, հայտնում է The Telegraph-ը:
Նախօրեին այս մասին հայտարարել է Bill & Melinda Gates Foundation-ը՝ աշխարհի խոշորագույն բարեգործական կազմակերպությունը: Դրանից առաջ Գեյթսը 10 մլն էր հատկացրել Արևմտյան Աֆրիկայում Էբոլայի դեմ պայքարին:
Գումարը կբաշխվի ՄԱԿ-ի, Առողջապահության համաշխարհային կազմակերպության, Հիվանդությունների վերահսկման և կանխարգելման ամերիկյան կենտրոնների և այլ կառույցների միջև: Գումարները կծախսվեն սարքավորումների գնման, շիճուկների ստացման, բուժման համար:
