ՌԴ նախագահ Վլադիմիր Պուտինը ԱՊՀ երկրների նախագահների խորհրդի նիստում հայտարարել է, որ Ռուսաստանի գործողությունները Սիրիայում ունեն ժամանակային սահմաններ. այն կշարունակվի մինչև ահաբեկիչների դեմ սիրիական բանակի հարձակողական գործողությունների սկսվելը: Այս մասին հայտնում է ria.ru-ն:
Պուտինը նշել է, որ ՌԴ ԶՈւ-ի գործողություններն ամբողջովին համապատասխանում են միջազգային իրավունքին, բացարձակապես լեգիտիմ են, քանի որ դրանք իրականացվում են գործող նախագահ Բաշար Ասադի պաշտոնական դիմումի հիման վրա:
Նախագահը նաև նշել է, որ Մոսկվան առաջվա պես կողմ է ահաբեկիչների դեմ հնարավորինս լայնամասշտաբ կոալիցիա ստեղծելուն:
