Ավելի քան 10 հազար գրոհային երկու տարում վայր են դրել զենքը շնորհիվ սիրիական իշխանությունների կողմից իրականացվող ժողովրդական հաշտեցման ծրագրի։ Այս մասին RIA Novosti-ի հետ հարցազրույցում հայտարարել է Սիրիայի ժողովրդական հաշտեցման հարցերով նախարար Ալի Հայդարը։
Տեղային հաշտեցման ամենավառ օրինակը տեղի է ունեցել Հոմս քաղաքում 2013 թվականին։ Այդ ժամանակ 1500 գրոհային, ովքեր պահում էին քաղաքի կենտրոնը, վայր են դրել զենքը, որից հետո մեծությամբ երրորդ քաղաքն անցել է սիրիական բանակի վերահսկողության տակ։ Երկու շաբաթ առաջ 700 գրոհային վայր են դրել զենքը Սիրիայի հարավի Դարաա գավառում։
