Ալոէն պատկանում է սուկուլենտ բույսերի ընտանիքին և ունի մոտ 500 տարատեսակ: Այն մշակել են դեռեւս հնագույն ժամանակներից՝ բժշկության մեջ օգտագործելու նպատակով:
Նույնիսկ Հին Եգիպտոսում այն համարվում էր հզոր դեղաբույս: Ալոէն արտադրում է գել և լատեքս, որոնք օգտագործվում են բժշկական նպատակներով:
Գելը մածուցիկ նյութ է, որը տեսանելի է բույսի ներսում, բույսը կտրելիս այն անմիջապես թափվում է: Շատ պրոֆեսիոնալ կոսմետոլոգներ և այլ հմուտ փորձագետներ բժշկության ոլորտում այն համարում են կենսական բուժիչ բույս, որը բուժում է տարբեր մաշկային հիվանդություններ:
Ահա մի քանի խորհուրդներ, թե ինչպես և որ դեպքերում կարելի է այն օգտագործել.
Այրվածքներ
Այն օգտագործվում է որոշ այրվածքներ բուժելու նպատակով: 2009թ.-ին կատարած ուսումնասիրությունը, որին մասնակցում էր երկրորդ աստիճանի այրվածքներ ստացած 30 հիվանդ, ցույց տվեց, որ ալոէ քսուքի կիրառմամբ այրվածքները բուժվեցին 16 օրվա ընթացքում:
Խոլեստերինի բարձր մակարդակ և հիպերլիպիդեմիա
Ըստ առողջապահության ազգային ինստիտուտի՝ նախնական տվյալները ցույց են տալիս, որ, օրական 15-20 մլ. ալոէի ընդունումը կնվազեցնի հիպերլիպիդեմիայով հիվանդների խոլեստերինի մակարդակը մոտ 15%-ով, ցածր խտության լիպոպրոտեինի՝ մոտ 18%-ով, տրիգլիցերիդի՝ 25-30%-ով:
Հերպես
Ուսումնասիրությունները ցույց են տալիս, որ ալոէ գելը արագացնում է թարախաբշտիկների խոցերի լավացումն ու օգնում է թեթևացնել ցավը, ըստ Mayo կլինիկայի հետազոտողների:
Բշտիկներ
Որոշ ուսումնասիրություններ ցույց են տվել, որ ալոէն օգնում է բուժել բշտիկները և վերականգնում է մաշկի ցաները՝ իր անտիբիոտիկ հատկությունների շնորհիվ, ինչպես նաև փափկեցնում է մաշկը:
Չոր մազեր
Բույսը իր խոնավեցնող հատկություններով հանդիսանում է հիանալի կոնդիցիոներ մազերի համար: Գելը պետք է քսել մազերին, այնուհետեւ մազերը լվանալ և քսել ձեր իսկ նախընտրած կոնդիցիոները:
Շաքարախտ
Թեև մինչեւ վերջ ապացուցված չէ, որ այն նվազեցնում է շաքարի մակարդակը շաքարախտով հիվանդների մոտ:
Նիհարեցում
Ալոէն անցյալ տարի ճանաչվել է որպես առողջարար ըմպելիք: Ալոէն պարունակում է մի շարք վիտամիններ, այդ թվում՝ A, C, E, ֆոլաթթու В1, В2, В3, В6 և մեկն է այն մի քանի բույսերից, որոնք պարունակում են В12 վիտամինը, որը կարգավորում է ուղեղի սահուն աշխատանքը և նյարդային համակարգը՝ ճիշտ այնպես, ինչպես առողջարար սնունդը օգնում է մարսողությանը և ներսից մաքրում օրգանիզմը:
