Ռուսական RIA Novosti լրատվական գործակալության փոխանցմամբ՝ Սիրիայում գործող զինյալները սկսել են զանգվածաբար դասալքել Թուրքիա ու Հորդանան, դաշտային հրամանատարները հարկադրված են լինում Իրաքից ուժեր ներգրավել։ Այդ մասին այսօր հայտարարել է Ռուսաստանի զինված ուժերի գլխավոր շտաբի գլխավոր օպերատիվ վարչության պետ, գեներալ-գնդապետ Անդրեյ Կարտապոլովը։
Նրա խոսքերով՝ զինյալները սկսել են դիրքերից զանգվածաբար դասալքել ոչ միայն թիկունքային շրջաններ, այլև դեպի Թուրքիայի ու Հորդանանի տարածք. «Ջաբհաթ ան-Նուսրայի հրամանատարները հապշտապ փորձում են հավելյալ ուժեր տեղափոխել առաջնագիծ, քանի որ ԴԱԻՇ-ի զորամիավորումները թողնում են զբաղեցրած դիրքերը և նահանջում արևելյան ուղղությամբ»։
