analitik.am-ի տեղեկություններով՝ շորթում (ՔՕ 182-րդ հոդված) կատարելու կասկածանքով այսօր առավոտյան ձերբակալվել է ոստիկանության Չարբախի պետի նախկին տեղակալ Վարդան Ղուկասյանը, ով առավել հայտնի է Դոգ մականվամբ: Մեր տեղեկություններով՝ Դոգին ձերբակալել են Ararum.am կայքի խմբագիր Հովհաննես Եսայանի գործի շրջանակներում:
Վարդան Ղուկասյանը ձերբակալվել է քննչական կոմիտեի քննիչ Արտակ Թադևոսյանի որոշման հիման վրա: Ի դեպ, չի բացառվում, որ մոտ օրերս փոխվի Հ. Եսայանի խափանման միջոց կալանավորումը, և նա ազատ արձակվի:
Օրեր առաջ Դոգը հայտարարել էր, որ հայկական «Վիկիլիքս» է իրականացնելու: Նա ասել էր, որ Երևանի ոստիկանապետ Աշոտ Կարապետյանին վերաբերող տեսանյութեր ունի, որոնք պատրաստվում է հրապարակել:
Լուսանկարը՝ yerkir.am-ի
