Իրանի ռազմածովային ուժերի հրամանատար, փոխծովակալ Հաբիբոլլահ Սայարը հայտարարել է, որ Իրանն ու Ռուսաստանը ծրագրում են Կասպից ծովում անցկացնել համատեղ ռազմածովային զորավարժություններ: Այս մասին հաղորդում է Fars գործակալությունը:
«Իրանի և Ռուսաստանի ռազմածովային ուժերը Կասպից ծովում մեկօրյա զորավարժություններ կանցկացնեն»,- ասել է հրամանատարը:
Սայարը հայտնել է, որ Իրանի ռազմանավերի խումբը անցյալ կիրակի ուղարկել են Աստրախանի նավահանգիստ:
Փոխծովակալի խոսքով՝ Իրանի ռազմանավերը չորեքշաբթի օրը ժամանել են Աստրախան:
