Իրանի իսլամական հանրապետությունը ռազմական օժանդակություն է տրամադրում Սիրիայի կառավարական ուժերին: Տարբեր տվյալների համաձայն այսօր Սիրիայում են գտնվում 5-10 հազար իրանցի զինվորականներ: Պաշտոնական տվյալներով ԻՊ խմբավորման դեմ ռազմական գործողությունների ընթացքում զոհվել է Իրանի շուրջ 130 զինվորական:
Իրաքցի ու իրանցի զինվորականների մոտ գոյություն ունի տարօրինակ նախապաշարմունք, այսպես կոչված «Սուլեյմանիի անեծքը»: Խոսքը վերաբերվում է Իրանի զորահրամանատար Քասիմ Սուլեյմանիին, ով ակտիվորեն մասնակցում է Սիրիայում ծավալված ռազմական գործողություններին եւ հանդիսանում է Իրանի հետախուզության ակնառու դեմքերից մեկը:
Սիրիայում ու Իրաքում մարտնչող զինվորների մոտ ձեւավորվել է նախապաշարմունք, որ ահաբեկիչների դեմ մարտերում զոհվում են հիմնականում Քասիմ Սուլեյմանիի հետ լուսանկարված զինվորները:
