Լիբանանի հյուսիսարևելյան Արսալ քաղաքում՝ Սիրիայի հետ սահմանի մոտ պայթյունի հետևանքով 9 մարդ է զոհվել, 4 հոգի վնասվածքներ է ստացել: Այս մասին հայտնում է Reuters-ը՝ հղում անելով անվտանգության ուժերի աղբյուրներին:
Պայթուցիկը գործել է շրջանում, որտեղ նախկինում հարձակումներ են իրագործել Սիրիայում հակամարտության հետ կապ ունեցող գրոհայինները:
Արսալ քաղաքը գտնվում է Լիբանանի մայրաքաղաք Բեյրութից մոտ 124 կմ հյուսիս-արևելք:
Ինչպես RIA Novosti-ին հայտնել են քաղաքի ոստիկանության բաժանմունքում՝ ահաբեկիչներն ականապատ մոտոցիկլ են պայթեցրել Արսալ քաղաքի Ալ-Սաբիլ հրապարակում: