Ինչպես հաղորդում է ANNA.NEWS գործակալությունը, քուրդ աշխարհազորայիններն Յարբուի շրջանում շարունակել են արյունալի մարտերը ԻՊ ահաբեկիչների դեմ:
Իրաքյան աղբյուրների վկայությամբ,Սիրիայից ԻՊ ահաբեկիչների նոր ուժեր են ժամանում իրաքյան Ամբար պրովինցիա: Խոսքը գնում է հարյուրավոր ահաբեկիչների ու տասնյակ զրահատեխնիկայի մասին, որոնք նահանջել են Սիրիայի տարածքից:
Միաժամանակ հորդանանյան օդաչուի մահապատժից հետո Հորդանանի մայրաքաղաք Ամմանում տեղի են ունեցել մի շարք բողոքի ակցիաներ: Հորդանանը խոստացել է ակտիվացնել պայքարն ԻՊ ահաբեկիչների դեմ՝ դաշնակիցների կոալիցիայում ընդգրկելով նոր ուժեր:
Սակայն, հորդանանյան իշխանությունները, շարունակելով պայքարը ԻՊ-ի դեմ, միաժամանակ օժանդակում են Սիրիայի կառավարական ուժերի դեմ մարտնչող գրոհայիններին՝ տրամադրելով նրանց ֆինանսական ու ռազմական օժանդակություն:
Իր հերթին Սիրիայի կառավարությունը խստորեն դատապարտել է հորդանանյան օդաչուի մահապատիժն ու կոչ արել Հորդանանի իշխանությունների համատեղ պայքարել ահաբեկիչների դեմ:
Օդաչուի մահապատժից հետո Արաբական միացյալ Էմիրությունները լքել է դաշնակիցների օդուժի շարքերը: