Ինչպես տեղեկացնում է «Երրորդ համաշխարհային պատերազմ» պորտալը, Եգիպտոսը Ֆրանսիայի հետ կնքել է համաձայնություն 24 Rafale ռմբակոծիչների ու մեկ FREMM ֆրեգատի ձեռքբերման վերաբերյալ: Ինչպես հայտնում է ֆրանսիական Les Echos պարբերականը, գործարքի ընդհանուր արծեքը կկազմի մոտ 6 միլիարդ դոլար:
Գործարքի միջնորդությամբ հանդես են եկել ֆրանսիական COFACE վարկային ու մի շարք այլ բանկեր: Գումարի մի մասը համաձայնվել է հատկացնել Սաուդյան Արաբիան, իսկ Եգիպտոսը պարտավորվել է վճարել 500 միլիոն եվրո կանխավճար:
Ինքնաթիռների առաջին խմբաքանակն ու ֆրեգատը եգիպտական իշխանությունները կստանան օգոստոսին, երբ տեղի կունենա վերանորոգված ու ընդարձակված Սուեզի ջրանցքի հանդիսավոր բացումը:
Այսպիսով Եգիպտոսը կդառնա ֆրանսիական Rafale ինքնաթիռների առաջին գնորդը: Հիշեցնենք, որ Հնդկաստանը, որ մտադիր էր ձեռք բերել ֆրանսիական Rafale ռմբակոծիչները, դեռ չի շտապում իրականություն դարձնել մտահղացումը, քանի որ որպես հակակշիռ տարբերակ ուսումնասիրում է ռուսական Սու-30 ռմբակոծիչները:
Գերմանիան վերսկսել է ռազմական արտահանումները Սաուդյան Արաբիա
Պատերազմական վիճակում գտնվող երկրներում զենքը կարող է հայտնվել արմատական խմբավորումների ձեռքում
