Ռուսական RIA Novosti լրատվական գործակալության փոխանցմամբ՝ ԴԱԻՇ-ը տևական բանակցություններից հետո ազատ է արձակել փետրվարին գերեվարած քրիստոնյա ասորիներին։ Այդ մասին հայտարարել է Լիբանանի ասորական համայնքի ներկայացուցիչ Սարգոնը։
Նրա խոսքերով՝ ԴԱԻՇ-ն ազատ է արձակել իրենց համայնքի 37 ներկայացուցչի, որոնք բոլորն էլ արդեն Թել-Թամար քաղաքում են։ Նա ընդգծել է, որ նրանք հիմնականում կանայք են։
Ահաբեկիչների հետ բանակցությունները սկսվել են մարտին՝ քրիստոնեական գյուղերի գրավումից հետո, որի հետևանքով գերի էր ընկել առնվազն 250 տեղաբնակ։