Ինչպես հաղորդում է ՏԱՍՍ գործակալությունը ամերիկյան «USS Cole» հրթիռային նավը ուղարկվել է Սեւ ծովի ռուսաստանյան ափերի մոտ՝ տարածաշրջանում «խաղաղություն ու անդորրություն» ապահովելու համար:
Այդ մասին հայտնել Է ԱՄՆ 6-րդ նավատորմի հրամանատարությունը, նշելով որ նավը Սեւ ծով է մտել ՆԱՏՕ-ի անդամ ու համագործակցության մեջ մտնող երկրների անվտանգությունն ապահովելու նպատակով:
Նավը տիրապետում է հրթիռային համակարգերի, որոնք ընդունակ են պայքարել սուզանավերի ու խոշոր նավերի դեմ, լիկվիդացնել ինքնաթիռներ ու հրթիռներ:
Հիշեցնենք, որ Մոնտրեի կոնվենցիայի համաձայն ոչ սեւծովյան երկրներն իրավունք չունեն Սեւ ծովում 21 օրից ավելի մնալ, սակայն նախորդ տարվա ընթացքում ԱՄՆ-ն արդեն խախտել է համաձայնագիրը՝ տարածաշրջան մտցնելով 9 ռազմական նավ: