Վանաձորի քաղաքային գերեզմանոցում այսօր՝ փետրվարի 13-ին, տեղի ունեցավ ԼՂՀ ՊԲ մարտական հենակետերից մեկում մահացու հրազենային վիրավորում ստացած զինծառայող, ավագ լեյտենանտ Տիգրան Սիմոնյանի հուղարկավորությունը:
Հուղարկավորությանը մասնակցել է նաեւ մարզպետ Արթուր Նալբանդյանը, Վանաձորի քաղաքային իշխանությունները, զինվորականներ:
Նշենք, որ Տիգրան Սիմոնյանի մահվան փաստի առթիվ հարուցված քրեական գործով փետրվարի 12-ին ձերբակալվել է նրա ծառայակից Տարոն Գեդեոնյանը:
Ավելի վաղ տեղեկացրել ենք, որ փետրվարի 10-ին ժամը 19:55-ի սահմաններում, N զորամասի մարտական դիրքում մարտական հերթապահություն կրելու կանոնները խախտելու հետեւանքով արձակված կրակոցների արդյունքում հրազենային վնասվածքներ է ստացել նույն զորամասի զինծառայող, ավագ լեյտենանտ Տիգրան Սամվելի Սիմոնյանը եւ մահացել:
Դեպքի առթիվ ՀՀ Քննչական Կոմիտեի զինվորական քննչական գլխավոր վարչությունում հարուցվել է քրեական գործ՝ ՀՀ քրեական օրենսգրքի 365-րդ հոդվածի 3-րդ մասով (մարտական հերթապահություն կամ մարտական ծառայություն կրելու կանոնները խախտելը՝ որն առաջացրել է ծանր հետեւանքներ):
