Ինչպես տեղեկացնում է ANNA.NEWS գործակալությունը, Հալեպի պրովինցիայում քուրդ աշխարհազորայինները շարունակում են զարգացնել հարձակումը ԻՊ ահաբեկիչների դեմ՝ ազատագրելով նոր բնակավայրեր:
Վերջին շրջանում իրականացված հարձակումների ընթացքում նրանց հաջողվել է ազատագրել ընդհանուր առմամբ 150 բնակավայր:
Միաժամանակ Հալեպի հյուսիսում սիրիական կառավարական ուժերին հաջողվել է գրավել նոր հենակետեր, որտեղ կասեցվել է նաեւ գրոհայինների հարջակումն ու ոչնչացվել նրանց ավտոշարսյունը:
Ռազմական գործողությունները շարունակվել են նաեւ Հոմս պրովինցիայում ու Թելբիսի շրջանում, ինչի արդյունքու կառավարական զինոիւժին հաջողվել է ամրապնդել իր դիրքերն ու գրոհայինների պատճառել մարդկային ուժի ու զինատեխնիկայի զգալի կորուստներ:
Իդլիբում անհաջող գրոհից հետո գրոհայինները հրետակոծել ենԱլ-Ֆոա քաղաքն ու մոտակա քաֆարյա բնակավայրը՝ պատճառելով զգալի նյութական կորուստ:
Սիրիական օդուժն ու հրետանին նոր հրետակոծություններ է իրականացրել Լաթաքիայի շրջանում տեղակայված ահաբեկիչների դիրքերին, այնուհետեւ անցնելով հարջակման, ազատագրել մի շարք կարեւոր հենակետեր ու ստրատեգիական բարձունքներ:
Դարա պրովինցիայում շարունակվել են դիրքային մարտեր: Սիրիական օդուժը Թել-Բրաքւում ու Հասակա պրովինցիայում ռմբակոծության է ենթարկել ԻՊ ահաբեկիչների ռազմական հենակետերը:
