Ինչպես հաղորդում է Ռիա Նովոստի գործակալությունը, ուկրաինական զինվորականները դեռեւս մնում են դիրքերում ու սպասում կրակի դադարեցման մասին հրամանին:
Այդ մասին երեկոյան հայտնել է ուժայինների հատուկ գործողությունների ղեկավար Անատոլի Ստելմախը, նշելով, որ իրենք սպասում են երկրի գլխավոր հրամանատար Պյոտր Պորոշենկոյի հրամանին՝ ավելացնելով, որ միայն այդ դեպքում կլքեն իրենց ռազմական դիրքերն ու կդադարեցնեն կրակը:
Հիշեցնենք, որ ըստ մինսկյան համաձայնությունների, հրադադարը ուժի մեջ պետք է մտնի կեսգիշերին: Դոնեցկի ու Լուգանսկի հանրապետությունների ղեկավարներն արդեն ստորագրել են կրակի դադարեցման հրամանագիրը, սակայն մինչեւ այժմ Դոնբասի որոշ հատվածներում ընթանում են ռազմական գործողություններ:
Մասնավորապես Դեբալցեւոյում աշխարհազորայինները հետ են մղել շրջապատման մեջ հայտնված ուկրաինական ուժայինների գրոհները:
