Իրանի պաշտպանության նախարար Հոսեին Դեհգհանն իր ամերիկացի գործընկերոջը խորհուրդ է տվել հետևել սեփական բառերին՝ կապված Մերձավոր Արևելքի հակամարտություններին Իրանի ակտիվ մասնակցության մեղադրանքի հետ։
Դեհգհանն ընդգծել է. «ԱՄՆ պաշտպանության նախարարը պետք է փոխի իր դիրքորոշումն իրանական իշխանությունների հանդեպ, վերանայի իր ագրեսիվ, խուլիգանական պահվածքը և այսուհետ արտահայտվի խելամիտ ու զգուշավոր»։
Ավելի վաղ Էշթոն Քարթերը The Atlantic-ին տված հարցազրույցի ժամանակ գնահատական է տվել Մերձավոր Արևելքում Իրանի գործողություններին, ինչպես նաև մեկնաբանել Թեհրանի ազդեցությունը տարածաշրջանի երկրների վրա։
Դեհգհանը հայտարարել է, որ Քարթերն ավելի շուտ ցանկանում է պահպանել Իրանի ու ԱՄՆ-ի միջև լարված հարաբերություններ, ինչպես որ Սոմալիի, Աֆղանստանի, Իրաքի ու Եմենի պարագայում, քան հրաժարվել մերձավորարևելյան երկրների հետ կապված սադրանքներից։
