Ինչպես տեղեկացնում է ANNA.NEWS գործակալությունը, Դամասկոսի Ջոբար թաղամասում սիրիական կառավարական ուժերը ստորգետնյա թունելի միջոցով անցնելով թշնամու թիկունքը, կարողացել են պայթեցնել ուսուցիչների արհմիության շենքը, որտեղից ահաբեկչական խմբավորումների գրոհայիններն իրականացնում էին քաղաքի հրետակոծումը:
Տվյալների համաձայն, Պայթյունի արդյունքում ոչնչացվել են տասնյակ գրոհայիններ, զենք ու զինամթերք, ինչպես նաեւ հրթիռային համակարգեր:
Շրջանի հյուսիսային հատվածներում կառավարական ուժերի հարձակողական գործողությունների արդյունքում ազատագրվել են մի շարք ռազմաստրատեգիական օբյեկտներ:
Միաժամանակ Ալ- Մանաշիր թաղամասում կառավարական ուժերը վնասազերծել, իսկ այնուհետեւ պայթեցրել են եւս մեկ շինություն, որում տաղակայված է եղել գրոհայինների նոր կազմավորված ռազմական շտաբը, ինչի արդյունքում վնասազերծվել են տասնյակ ահաբեկիչներ:
Դումի շրջանում շարունակվել են արյունալի մարտերը, որտեղ սիրիական զորքերը հրետանու ու օդուժի օժանդակությանմ զգալի առաջխաղացում են գրանցել, հրետակոծվել են նաեւ Զամալկե ավտողճուղու երկյանքով տեղակայված գրոհայինների հենակետերը:
Արեւելյան Ղութում տեղի բնակչությունից կազմավորված աշխարհազորայինների զորաջոկատները հարձակման անցնելով Վաֆիդեն շրջանի ուղղությամբ, կարողացել են գերել շուրջ 17 գրոհայինի, որոնց մի մասը համաձայնվել է զենքը վայր դնել ու համալրել աշխարհազորայինների շարքերը:
