Ինչպես տեղեկացնում է ANNA.NEWS գործակալությունը, Դամասկոսի պրովինցիայում արյունալի մարտեր են ծավալել Սասա ու Դարեհ շրջաններում, որտեղ գրոհայինները վաղ առավոտյան հարձակում են ձեռնարկել կառավարական ուժերի ուղղությամբ: Սիրիական զորքերին հաջողվել է կասեցնել նրանց գրոհը, որոնք զգալի կորուստներ կրելով նահանջել են ելման դիրքերը:
Ջոբարում ու Դումում ընթացել են դիրքային մարտեր: Սիրիական հրետանու հրետակոծության արդյունքում Դումում լիկվիդացվել են Ջեշ ալ-Իսլամ խմբավորման մի շարք գրոհայիններ, այդ թվում՝ Քաթարի 2 քաղաքացիներ, որոնք զբաղվել են հրթիռային արկերի պատրաստմամբ:
Սիրիական օդուժը հարվածներ է իրականացրել Լիբանանյան սահմանային գոտում, Զաբադայինում ու Դարա պրովինցիայում:
Դարա պրովինցիայում սիրիական զորքերը կասեցրել են Ան-Նուսրա խմբավորման հարձակումները, որոնք փորձել են հետ վերադարձնել նախօրեին կորցրած հենակետերը:
Հոմս պրովինցիայի Ալ-Վար բնակավայրի մոտ լիկվիդացվել է ԻՊ ահաբեկիչների ավտոշարասյունը:
Դեյր Էր-Զորի պրովինցիայում հիմնական մարտերն ընթանում են Աբու-Դուհուր ռազմական օդանավակայանի շրջանում, որտեղ դիրքային մարտեր են ծավալվել:
