Ինչպես տեղեկացնում է Ռիա Նովոստի գործակալությունը, Հարավային Սուդանում զինված գրոհայինները առեւանգել են 90 դեռահաս տղաների: Այդ մասին հայտնել է ՄԱԿ-ի Մանկական ֆոնդի մամուլի ծառայությունը:
Տվյալների համաձայն երեխաները առեւանգվել են Հյուսիսային նեղոս նահանգի շրջկենտրոն Մալաքալ քաղաքի մոտակայքում: Նրանց տարիքը չի գերազանցում 13 տարեկանը:
Գրոհայինները զենքի սպառնալիքով շրջապատել են քաղաքը, խուզարկել տներն ու բռնի կերպով առեւանգել երեխաներին:
Սուդանում գործող խմբավորումներից ոչ մեկն իր վրա չի վերցրել առեւանգման պատասխանատվությունը: