Բրիտանական Reuters լրատվական գործակալության փոխանցմամբ՝ Սիրիայի կառավարական բանակը ԴԱԻՇ-ի զինյալների հետ մարտի մեջ է մտել Հալեպի նահանգում գտնվող «Կվեյրիս» ավիաբազայի շրջանում։
Դրա մասին հայտարարել է Մարդու իրավունքների պաշպանի սիրիական կենտրոնը։ Իրավապաշտպան կազմակերպության տվյալներով՝ սիրիական բանակի կազմում, որը փորձում է իր վերահսկողությունը հաստատել ավիաբազայի վրա, գտնվում են լիբանանցի և իրանցի աշխարհազորայիններ։
Ընդգծվում է, որ «Կվեյրիս» ավիաբազան արդեն երկու տարի գտնվում է ահաբեկիչների վերահսկողության տակ։
