Ինչպես հաղորդում է ՏԱՍՍ գործակալությունը, Սիրիական զինուժը Հալեպի հյուսիսում ազատագրել է 48 գերված զինծառայողների:
Սիրիական կառավարական ուժերի հատուկ գործողությունների արդյունքում Ռաթյանե շրջանի մոտակայքում ազատագրվել են Ան-Նուսրա խմբավորման գրոհայինների կողմից ավելի վաղ գերված շուրջ 48 զինծառայողները:
Միաժամանակ, սիրիական հրետանին ռմբակոծել է Հալեպի հյուսիսային շրջաններում տեղակայված գրոհայինների հենակետերը, ինչի արդյունքում ահաբեկիչները կրել են մարդկային ուժի ու զինատեխնիկայի զգալի կորուստներ:
Հիմնականում շիաներով բնակեցված Նոբուլ ու Էզ-Զահրա քաղաքների պաշտպանությունն իրականացնող սիրիական զորքերը, անցնելով հարձակման, ազատագրել են մի շարք ստրատեգիական բլուրներ, որից հետո ռմբակոծել Հայան- Բայնուն ավտոխճուղու երկյանքով տեղակայված գրոհայինների հենակետորը:
Փոխարենը ահաբեկիչները վերսկսել են Հալեպի խաղաղ թաղամասերի հրետակոծությունն, ինչի հետեւանքով զոհվել է 3, վիրավորվել՝ շուրջ 25 քաղաքացի: