Ինչպես տեղեկացնում է ՏԱՍՍ գործակալությունը, Ուկրաինական զորքերն սկսել են դուրս բերել 100 մմ տրամաչափի հրետանին անջատողականների հետ շփման գոտու ողջ երկարությամբ: Այս մասին հաղորդել է ուժային գործողությունների մամլո կենտրոնի ղեկավար Ալեքսանդր Մոտուզյանիկը:
Վերջինիս խոսքով` հինգշաբթի օրվանից ուժային գործողությունների ստորաբաժանումներն «սկսում են դուրս բերել հրետանային համակարգերը սահմանազատված ողջ գծից»:
Ինչպես հաղորդվում է` վերջինս նշել է, որ այս գործողություններին հետևում է ԵԱՀԿ-ն: Ծանր տեխնիկայի դուրսբերման մասին ավելի վաղ հայտնել էին Գլխավոր հրամանատարության շտաբից: