Ինչպես տեղեկացնում է Ռիա Նովոստի գործակալությունը, Ռուսաստանը պատրաստ է զենքի միջոցով պաշտպանել իր իրավունքներն Արկտիկայում:
Այդ մասին հայտնել է Ռուսաստանի պաշտպանության նախարար Սերգեյ Շոյգուն, նշելով, որ երկրի անվատնգության ապահովման նկատառումներից ելնելով, Ռուսաստանը Արկտիկայում տեղակայել է հակաօդային պաշտպանության համակարգ ու անհրաժեշտության դեպքում հնարավորություն ունի պաշտպանել իր իրավունքները տվյալ տարածաշրջանում:
Նրա խոսքերով Արկտիկայի յուրացումը կնպաստի երկրի հյուսիսային շրջանների զարգացմանն, ուստի Ռուսաստանն առաջիկայում շարունակելու է իր ռազմա-տնտեսական միջոցառումները հյուսիսում՝ ձեռնամուխ լինելով տարածաշրջանի հանքային ու էներգետիկ ռեսուրսների հայտնաբերման ու շահագործման գործընթացին:
