Ինչպես տեղեկացնում է «Երրորդ համաշխարհային պատերազմ» պորտալը, Լեհաստանի իշխանությունները մտադիր են Ուկրաինա ուղարկել ռազմական հրահանգիչներ:
Այդ մասին հայտնել է Լեհաստանի պաշտպանության նախարարի խորհրդական Բոգուսլավ Պացեկը, նշելով, որ հրահանգիչների նպատակն է ուկրաինական զինծառայողների վերապատրաստումը:
Նրա խոսքերով, ուկրաինական կողմը դիմել էր ՆԱՏՕ-ի հրամանատարությանը՝ ուկրաինական սպաների վերապատրաստման խնդրանքով, ուստի, լեհական կողմը չէր կարող մերժել ուկրաինացի եղբայրներին:
Լեհական հրահանգիչները գործելու են ուկրաինայի արեւմուտքում գտնվող Յավորովի ու Դեսնայի հենակետերում: Առաջիկա օրերին Ուկրաինա կժամանեն 75 լեհ հրահանգիչներ:
