Ինչպես հաղորդում է ՏԱՍՍ գործակալությունը, ԻՊ ահաբեկչական խմբավորման գրոհայինները պայթեցրել են Իրաքի երրորդ մեծ քաղաք Մոսուլի միջազգային օդանավակայանը:
Քաղաքից ընդամենը 4 կիլոմետր հեռավորության վրա գտնվող օդանավակայանը վերակառուցվել էր վերջերս ու համապատասխանում էր միջազգային ստանդարտներին:
Մինչեւ 2008թ.-ը այն գտնվում էր ամերիյան ռազմաօդային ուժերի տրամադրության տակ, իսկ այնուհետեւ հանձնվել էր իրաքյան իշխանություններին:
Տվյալների համաձայն, ԻՊ գրոհայինները սկսել են ականապատել Տիգրիս գետի բոլոր կարեւոր կամուրջները, որպեսզի իրաքյան կառավարական ուժերի հարձակման դեպքում պայթեցնեն ու չըհայտնվեն շրջապատման մեջ:
Բաղդադից 400 կիլոմետր հեռավորությամբ գտվող Մոսուլը ամբողջությամբ գտնվում է ԻՊ գրոհայինների վերահսկողության ներքո:
