Թուրքիայի վարչապետ Ահմեդ Դավութօղլուն հայտարարել է, որ Թուրքիան չի պատրաստվում ցամաքային ռազմական գործողություն իրականացնել Սիրիայում։
Դավութօղլուի խոսքերով՝ իրականությանը չեն համապատասխանում այն տեղեկությունները, թե Թուրքիան 7500 զինծառայողով ցամաքային ռազմական գործողություն է սկսելու Հալեպի հյուսիսում։ Դավութօղլուն նաև հերքել է շրջանառության մեջ դրված այն տեղեկությունը, թե Թուրքիան ցամաքային ռազմական գործողություն է նախապատրաստում նաև Իրաքի հյուսիսում։
