Հունաստանի պաշտպանության նախարարությունը բացառել է Հունաստանի մասնակցության հնարավորությունը ԴԱԻՇ ահաբեկչական կազմակերպության դեմ ռազմական գործողություններին։ Այս մասին հայտարարել է պաշտպանության նախարարի առաջին տեղակալ Դիմիտրիս Վիցասը Skai հեռուստաալիքի հետ հարցազրույցում։
«Չեմ կարծում, թե ինչ-որ մեկը կարող է մեզ ստիպել։ Հունաստանը պետք է այլ դեր խաղա։ Մենք պահանջում ենք լուծում, որը կպարունակի Սիրիայում քաղաքական կայունության տարր»,- ասել է Վիցասը։
Փոխնախարարն ընդգծել է, որ չի բացառում փախստականների ու ներգաղթյալների հետ Եվրոպա գրոհայինների ներթափանցման հնարավորությունը, սակայն նա հիշեցրել է, որ Փարիզի ահաբեկչությանն առնչություն ունեցող երկու ահաբեկիչներ ունեցել են Ֆրանսիայի քաղաքացիություն։