Ռուսաստանը Սիրիայում մեծ թվով հարվածներ է հասցրել ծովային տեղակայման թևավոր հրթիռների և հեռահար ավիացիայի ռմբակոծիչների կիրառմամբ։ Այս մասին հայտարարել է ԱՄՆ վարչակազմի ներկայացուցիչը՝ փոխանցում է Reuters-ը։
Սա առաջին հաղորդագրությունն է սիրիական գործողությունում ռուսական հեռահար ավիացիայի ռմբակոծիչների կիրառման մասին։
Այսօր ավելի վաղ Le Monde-ը հայտնել էր, որ գիշերը Ռաքքայում թիրախներին հարված էր հասցվել թևավոր հրթիռներով։ Պարբերականը հայտնել էր, որ դրանք արձակվել են Միջերկրականի կողմից։