Ապակու հալեցման գործընթացն ինքնին արտասովոր է, սակայն պարզվում է, որ դրան կարելի է ցուցաբերել նաև ստեղծագործական մոտեցում:
Կալիֆոռնիաբնակ ապակեգործ Լորեն Սթամփը, օգտագործելով իր պրոֆեսիոնալ հմտություններն ու գեղագիտական ճաշակը, արվեստի բացառիկ գործեր է ստեղծում իտալական ապակուց:
Ինչպես նշում է The Oddity Central-ը, տղամարդը, մասնավորապես, օգտագործում է Murrine կոչվող աշխատելաոճը, որը սկզբնավորվել է Մերձավոր Արևելքում 4.000 տարի առաջ: Դրա գաղտնիքն այն է, որ ապակին հալեցնում են շատ բարձր ջերմաստիճանի պայմաններում, ինչից հետո ապակու վրա հայտնվում են նուրբ, գունավոր նախշեր ու նկարներ:
Այսպիսի 1 գլուխգործոց ստեղծելու համար ամերիկացին ծախսում է 1 ամիս` քրտնաջան աշխատելով ամեն մի դետալի վրա: Այսօր Սթամփն ունի 35 տարվա աշխատանքային փորձ և համարվում է իր գործի վարպետ:
Նա պարբերաբար կազմակերպում է վարպետության դասընթացներ` ցանկացողներին սովորեցնելով Murrine տեխնիկայի գաղտնիքները:
