Կինոարվեստի ամերիկյան ակադեմիան այսօր սկսել է 2014թ. արդյունքներով «Օսկար» կինոմրցանակի անվանակարգերում հավակնորդների քվեարկությունը՝ հայտնում է TASS-ը:
Հավակնորդների առաջադրման մեջ ներգրավված են դրա բոլոր անդամները, որոնց թվում են՝ դերասաններ Ուիլ Սմիթը, Կիրա Նայթլին, ռեժիսոր Քվենտին Տարանտինոն, երաժիշտ Էլթոն Ջոնը: Էլեկտրոնային տեսքով հարցաթերթիկները վերադարձվում են PricewaterhouseCoopers միջազգային աուդիտորական ընկերություն, որին է 1934-ից վստահվել ձայների հաշվարկը «օսկարյան» բոլոր փուլերում:
Ընկերությունը պարտավոր է ստուգել, որպեսզի ակադեմիկոսներից ոչ ոք կրկնակի չքվեարկի:
«Օսկարի» հավակնորդների անունները հայտնի կդառնան 2015թ. հունվարի 15-ին:
«Օսկարի» հանձնման հանդիսավոր արարողությունը տեղի կունենա փետրվարի 22-ին: Այն կհանձնի կատակերգու դերասան Նիլ Պատրիկ Հարիսը: