Նոյեմբերի 25-ին Արամ Խաչատրյանի տուն-թանգարանում տեղի կունենա «Ճանապարհորդություն դեպի Ռուսաստան. հանդիպում Ստրավինսկու հետ» համերգային ծրագիրը։ Այն անցկացվում է Խաչատրյանի անվան միջազգային փառատոնի շրջանակներում։ Կհնչեն Իգոր Ստրավինսկու ստեղծագործությունները։
Ելույթ կունենան Հայաստանի պետական երիտասարդական նվագախմբի անսամբլային կազմերը։ Դիրիժոր՝ Ռուբեն Ասատրյան։ Հիշեցնենք, որ Խաչատրյանի անվան փառատոնի կազմակերպիչն է Հայաստանի պետական երիտասարդական նվագախումբը։
Փառատոնը կազմակերպվել է ՀՀ Նախագահի հովանու ներքո։
