Հայաստան է այցելելու Sepultura առասպելական խումբը, որը նոյեմբերի 28-ին համերգ է տալու Երեւանում: Խմբի հետ ելույթ կունենա նաեւ իրանական Arsames խումբը:
Կազմվելով 1984 թվականին, Sepultura-ն կանգնած է thrash metal ոճի ակունքներում և մեթալ ասպարեզում համարվում է կարևորագույն խմբերից մեկը, ունենալով հսկայական ազդեցություն ոճի կայացման հարցում։ Խումբը հիմա էլ ակտիվ գործունեություն է ծավալում, մինչ օրս թողարկել է 13 սկավառակ և մեծ համբավ է վայելում ողջ աշխարհում, առաջնորդելով առաջատար միջազգային երաժշտական փառատոնները:
