Ինչպես հաղորդում է Ռիա Նովոստի գործակալությունը, Մադոնայի ակտիվությունը սոցիալական կայքերում դարձել է նրա համար ճակատագրական: Երգչուհուն մեղադրում են ռասիզմի մեջ, այն բանից հետո, երբ նա տեղադրել է Մարտին Լյութեր Կինգի, Նելսոն Մանդելայի ու Բոբ Մառլիի լուսանկարները:
Սեւամորթների իրավունքների պաշտպանների դեմքերը լուսանկարներում փաթաթված են եղել սեւ պարաններով, ինչպես իր նոր տեսահոլովակի շապիկը: Միաժամանակ Մադոնան տեղադրել է իր նկարը՝ նշելով իր նոր տեսահոլովակի լույս աշխարհ գալը:
Այդ քայլը հասարուկաթյան խորը դժգոհությունն է առաջացրել: Հրապարակումից մի քանի րոպե անց համացանցում նրա հասցեին տեղացել են վիրավորանքներ ու դժգոհություններ, որոնք երգչուհուն մեղադրել են իր փիառ քայլի համար:
Մադոնան իր մեղքը չի խոստովանել, ասելով, որ նկարները տեղադրվել է իր երկրպագուների կողմից:
