Հանրահայտ երգչուհի Մադոննան հայտարարել է, որ օրերս համացանցում աղմուկ առաջացրած լուանկարները, որոնք նա տեղադրել է սոցկայքերի իր էջերում, պատրաստել է ոչ թե ինքն, այլ՝ իր երկրպագուները, հաղորդում են ամերիկյան լրատվամիջոցները:
Ինչպես ավելի վաղ տեղեկացրել ենք, Մադոննայի ակտիվությունը սոցիալական կայքերում դարձել է նրա համար ճակատագրական: Երգչուհուն մեղադրում են ռասիզմի համար, այն բանից հետո, երբ նա տեղադրել է Մարտին Լյութեր Կինգի, Նելսոն Մանդելայի ու Բոբ Մառլիի լուսանկարները: Սևամորթների իրավունքների պաշտպանների դեմքերը լուսանկարներում փաթաթված են եղել սև պարաններով, ինչպես իր նոր տեսահոլովակի շապիկը: Միաժամանակ Մադոնան տեղադրել է իր նկարը՝ նշելով իր նոր տեսահոլովակի լույս աշխարհ գալը:
Մադոննան ներողություն է խնդրել և ասել, որ ինքն իրեն ոչ մեկի հետ չի համեմատում և որ ոչ ինքն է ռասիստ, ոչ էլ՝ նկարները պատրաստած իր երկրպագուները:
Նշենք, որ երգչուհին իր էջերում շարունակում է հրապարակել այդ լուսանկարները:
