2010 թվականին Ստամբուլի Ժամանակակից արվեստների թանգարանում կազմակերպվել էր «Արևմտականացող Ստամբուլի հայ ճարտարապետները» ցուցադրությունը:
«Ստամբուլը 2010 թվականի Եվրոպայի մշակութային մայրաքաղաք» կազմակերպության, Ստամբուլի Ժամանակակից արվեստների թանգարանի, Հրանտ Դինք հիմնադրամի և HAYCAR Ճարտարապետների և ինժիներների համերաշխության միության համագործակցությամբ համապարփակ ուսումնասիրության շնորհիվ կազմակերպված այդ ցուցադրությունն այժմ հասանելի կլինի առցանց տարբերակով:
Այս մասին տեղեկացնում է Թուրքիայում հրատաակվող «Ակօս» հայկական թերթը, փոխանցում է Ermenihaber-ը:
