Ամերիկյան Տեխաս նահանգի համալսարանը ստիպված է եղել հրապարակել գումարի չափը, որը վճարվել է կոլումբացի գրող, Նոբելյան մրցանակակիր Գաբրիել Գարսիա Մարկեսի արխիվի համար։ Այն կազմել է 2.2 մլն դոլար:
Ինչպես փոխանցում է «ՏԱՍՍ»-ը, այս մասին հայտարարել է համալսարանին կից Հարի Ռենսոմի անվան հումանիտար գիտությունների հետազոտական կենտրոնի ներկայացուցիչը:
Ավելի վաղ համալասարանից կտրականապես հրաժարվում էին նշել գումարի չափը, սակայն նահանգի գլխավոր դատախազի որոշումից հետո նրանք հրապարակեցին այդ թիվը:
Ավելի վաղ Կոլումբիայի կառավարությունն և Մեքսիկայի իշխանությունները սուր քննադատեցին Մարկեսի Արխիվը Տեխասի համալսարանին վաճառելու փաստը: Նրանք նշում էին, որ Մարկեսը չի սիրել Ամերիկան և հաճախ քննադատել է:
Համալսարանը արխիվը գնել է Մարկեսի հարազատներից:
