Գիտնականներն Ինդոնեզիայի Ճավա կղզում ծովախեցգետինների երկու նոր տեսակ են հայտնաբերել, գրում է iflscience.com-ը:
Նրանցից մեկն ունի մանուշակագույն, իսկ մյուսը՝ վառ գազարագույն թաթեր, երկուսն էլ ունեն շագանակագույն մարմին և դեղին դուրս եկած աչքեր:
Չնայած նրան, որ գիտնականները վերջերս են հաստատել, որ այդ երկուսը գիտությանը նախկինում անհայտ տեսակներ են, դրանք, այնուամենայնիվ, այլ տեսակների հետ շփոթելով՝ արդեն քանի տարի է վաճառվում են ասիական և եվրոպական երկրներում:
Նրանց անվանել են Geosesarma dennerle և Geosesarma hagen: Ընդ որում՝ երկու ծովախեցգետիններն էլ սնվում են մեծ միջատներով:
