«Արդեն քանի տարի է, ինչ չեմ քնում: Տարբեր կլինիկաներում հետազոտվել եմ, սակայն ոչինչ չի պարզվել: Ի՞նչ կարելի է անել»:
Դ.Բաբայան, ք. Գյումրի
Սովորական անքնությունն ինչ-որ հիվանության կամ սթրեսի հետևանք է, այնպես որ հարկ է փնտրել քրոնիկական տկարության պատճառը:
- Օրն ավարտեք առանց շտապելու, հուզումների, դեսուդեն ընկնելու, ոչ մի չլուծված խնդիր և չպարզված հարաբերություններ մի թողեք երեկոյան:
- Շատ մի կերեք ուշ ժամին, դատարկ ստամոքսով քնելն ավելի դյուրին է:
- Ընթրիքին խուսափեք միզամուղ ազդեցությամբ մթերք օգտագործելուց` կարտոֆիլ, մրգեր, բանջարեղեն, սուրճ, թեյ, կակաո:
- Քնելուց առաջ անպայման զբոսնեք, գոնե 20-30 րոպե:
- Քնից մեկ ժամ առաջ տաք լոգանք ընդունեք, որին հարկ է ավելացնել սոճու, նարնջի եթերային յուղերի 2-3 կաթիլ:
- Քնեք հարմար, հարթ մահճակալի վրա, բարձը պետք է ձեզ համապատասխան լինի, նախապատվությունը հարկ է տալ մուգ գույների անկողնային սպիտակեղենին: Երբ պառկում եք, մի փորձեք անմիջապես քնել, նախ պառկեք մեջքի վրա, ապա թուլացրեք ամբողջ մարմինը: Փորձեք քնել միշտ նույն դիրքով, ավելի լավ է ձախ կողմի վրա, ձախ ոտքի ծունկը մի փոքր ծալած:
Բուսաբուժություն
- Վերցնել 1-ական ճաշի գդալ ալոճենու, կատվախոտի արմատներ, առյուծագիի, երիցուկի ծաղիկներ: 2 ճաշի գդալ խառնուրդի վրա լցնել 2 բաժակ եռացրած ջուր, թրմել 3 ժամ, քամել: Թուրմն ընդունել 1/2 բաժակ, օրը 4 անգամ:
- 1-ական ճաշի գդալ կեչին, ազնվամորին և անմեռուկի խոտը խառնել, ավելացնել 2 բաժակ եռացրած ջուր, թրմել 3 ժամ, քամել: Խմել թուրմը 1/2 բաժակ, օրը չորս անգամ:
- Վերցնել 1-ական ճաշի գդալ սամիթի սերմեր, կեչու բողբոջներ, անթառամի ծաղիկներ, դաղձ, հիպերիկ, եղինջի տերևներ:
2 ճաշի գդալ չոր խառնուրդի վրա լցնել 2 բաժակ եռացրած ջուր, թրմել 3 ժամ, քամել: Թուրմն ընդունել 1/2 բաժակ, օրը չորս անգամ: Բուժման կուրսը 2 ամիս է:
