Ֆրանսիացի զինվորականները կարող են համագործակցություն սկսել սիրիական զորքերի հետ` ընդդեմ «Իսլամական պետության», եթե հրամանատարությունից հեռանա նախագահ Բաշար ալ-Ասադը:
Ինչպես փոխանցում է Deutsche Welle-ն, նման հայտարարությամբ հանդես է եկել Ֆրանսիայի ԱԳ նախարար Լորան Ֆաբիուսը:
Նշվում է, որ Փարիզի ահաբեկչություններից հետո Ֆրանսիան փոխել է վերաբերմունքը Սիրիայի նախագահի նկատմամբ` առաջնահերթությունը տալով ԻՊ-ի դեմ պայքարին:
Հիշեցնենք, որ այսօր ավելի վաղ Փարիզում ԱՄՆ նախագահ Բարաք Օբաման ՌԴ նախագահ Վլադիմիր Պուտինի հետ հանդիպմանը ևս շեշտել է, որ Ասադը պետք է հեռանա:
