Կանադայում սկսվելու է թմրամոլների բուժումը հերոինով։ Դա կարվի այն թմրամոլների շրջանում, որոնց վրա չեն ազդում բուժման այլ մեթոդները, գրում է vz.ru-ն։
Վանկուվեր քաղաքի Providence Crosstown հիվանդանոցի բուժանձնակազմն արդեն ստացել է պրոցեդուրաների համար անհրաժեշտ հերոինի քանակությունը, հայտնում է Independent-ը։
Հիվանդները կլինիկա պետք է հաճախեն օրական առնվազն երեք անգամ՝ հատուկ նշանակված ժամերին, բուժքույրերը պետք է հետևեն հիվանդների վիճակին։
Երկրի առողջապահության նախարար Ռոնա Ամբրոզը 2013-ի հոկտեմբերին արգելել էր հերոինով բուժման մեթոդը, սակայն բժիշկները հայց էին ներկայացրել Բրիտանական Կոլումբիա նահանգի գերագույն դատարան և շահել գործը՝ հերոինով բուժում անցկացնելու թույլտվություն ստանալով։
Բուժման նման մեթոդը կիրառվում է, Մեծ Բրիտանիայում, Գերմանիայում, Նիդեռլանդներում և Շվեյցարիայում։