Մեծ Բրիտանիայի ռազմաօդային ուժերի ավիահարվածների հիմնական թիրախներ են դարձել Սիրիայի արևելքի նավթահանքերով շրջանները, որոնք գտնվում են ԴԱԻՇ ահաբեկչական խմբավորման վերահսկողության տակ։ Այս մասին հայտնում է BBC-ն։
Ավելի վաղ հեռուստաալիքի թղթակիցը հայտնել էր, որ օդուժի 4 Tornado ինքնաթիռներից 2-ը Կիպրոսի «Ակրոտիրի» ավիաբազա են վերադարձել առանց մարտական զինամթերքի։ Այնտեղից դրանք դուրս էին եկել ԴԱԻՇ-ի գրոհայիններին հարվածներ հասցնելու համար։
Չորեքշաբթի երկոյան բրիտանական խորհրդարանն արտոնել է երկրի ռազմաօդային ուժերի կիրառումը Սիրիայում ԴԱԻՇ-ին հարվածներ հասցնելու համար։ Բրիտանիան մի քանի օր առաջ կրկնակի ավելացրել էր ավիախմբի թվաքանակը տարածաշրջանում։
