Թուրքիայում ազատ են արձակվել պետական հեղաշրջման փորձ կատարելու մեղադրանքով ձերբակալված լրագրողներից մի քանիսը:
Ազատ արձակվածների թվում են թուրքական «Զաման» թերթի գլխավոր խմբագիր Էքրեմ Դումանլըն և ևս 8 լրագրող:
Դատարանի վճռով, սակայն, կալանավորվել են Samanyolu մեդիա խմբից Հիդայեթ Քարաջան և ևս 4 մարդ:
Հիշեցնենք, որ Թուրքիայում օրեր առաջ զանգվածային ձերբակալություն էր տեղի ունեցել՝ պետական հեղաշրջման փորձ կատարելու մեղադրանքով:
ԵՄ-ն, ԱՄՆ պետդեպն ու այլ միջազգային կառույցներ Թուրքիային քննադատել էին լրագրողների ձերբակալությունների համար, սակայն պաշտոնական Անկարան դրանց կոշտ արձագանք էր տվել՝ պահանջելով չմիջամտել երկրի ներքին գործերին: