Վրաստանի նախագահ Գեորգի Մարգվելաշվիլին մինչեւ Նոր տարի ներում կշնորհի մի քանի հարյուր դատապարտյալների: Այդ մասին դեկտեմբերի 23-ին լրագրողներին հայտնել Է համաներման հանձնաժողովի նախագահ Զվիադ Կորիձեն:
Վրաստանի Սահմանադրության համաձայն՝ ներում շնորհելու իրավունքը պատկանում Է երկրի նախագահին: Համաներման համար առաջարկվող կալանավորների ցուցակները պետության ղեկավարին ներկայացնում են ինչպես Համաներման պետական հանձնաժողովը, այնպես Էլ Գլխավոր դատախազությունը եւ Վրաստանի պատրիարքարանը:
«Ըստ Էության քննարկվում Է 225 հայտ, որոնք բավարարում են բոլոր չափանիշները: Կա եւս ավելի քան 200 հայտ, որոնք չեն բավարարում չափանիշները, բայց հանձնաժողովը քննում Է նաեւ այդ հայտերը: Առաջիկա օրերին, երբ մենք ավարտենք աշխատանքը, երաշխավորագրեր կներկայացնենք նախագահին: Դրանից հետո նախագահը պետք Է որոշում ընդունի, թե երբ Է հրապարակվելու համարներման մասին փաստաթուղթը»,- հայտարարել Է Կորիձեն:
Համաներման հանձնաժողովի անդամները աշխատանքը կավարտեն մինչեւ շաբաթվա վերջը, հաղորդել Է «Նովոստի Գրուզիա»-ն:
