Իրաքի կառավարական ուժերն իրենց վերահսկողությունն են հասատել Ռամադի քաղաքի զգալի հատվածի վրա, որը մինչ այդ ամբողջովին գտնվել է ԴԱԻՇ-ի ձեռքում։ Այդ մասին նշված է Իրաքի իշխանությունների պաշտոնական ներկայացուցչի հայտարարությունում։
Հուլիսի կեսին Իրաքի կառավարությունը հայտարարեց Անբար նահանգը ԴԱԻՇ-ից ազատագրելու լայնամասշտաբ գործողություն սկսելու մասին։ Գլխավոր հարվածները հասցվել են այդ շրջանի երկու խոշոր քաղաքների՝ Ռամադիի ու Էլ-Ֆալուջայի վրա։ Սակայն, մարտերը հիմնականում մղվել են դրանց մատույցներում և երկու քաղաքների հիմնական մասերն էլ շարունակել էին մնալ ԴԱԻՇ-ի վերահսկողության տակ։
