Ինտերպոլի աշխատակիցները Վրաստանում բռնել են Ուկրաինայի իրավապահ մարմինների կողմից որոնվող Հայաստանի քաղաքացի Արտակ Մկրտումյանին:
Ինչպես տեղեկացնում է Новости-Грузия-ն, վերջինս փորձել էր Վրաստան մտնել Ռուսաստանից՝ Դարիալի կիրճով:
Հայաստանի քաղաքացին հետախուզման մեջ էր 2014 թվականի մայիսի 10-ից՝ Ուկրաինայի քրեական օրենսգրքի 121 հոդվածի առաջին մասով (առողջությանը միտումնավոր վնաս հասցնելը):
«Արտակ Մկրտումյանը Կրիվոյ քաղաքում վիճաբանության ընթացքում դանակահարել էր մի քաղաքացու՝ նրա առողջությանը ծանր վնաս հասցնելով»,- ասված է Վրաստանի ՆԳՆ-ի տարածած հաղորդագրության մեջ:
Այժմ Հայաստանի քաղաքացին պահվում է Թբիլիսիի №1 մեկուսարանում: